२ चैत,
बाँके । नेपाली बजारमा सुनचाँदीको मूल्यमा आज (बुधबार) पनि ओरालो लागेको छ । आज सुनको तोलामा १२ सयले घटेको छ ।
मंगलबार तोलामा १ लाख ५ सय रुपैयाँमा कारोबार भएको छापावाल सुन आज बुधबार १२ सयले घटेर ९९ हजार ३ सय रुपैयाँमा कारोबार भइरहेको नेपाल सुनचाँदी व्यवसायी महासंघले जनाएको छ ।
अहिले तेजाबी सुनको मूल्य प्रतितोला ९८ हजार ८ सय रुपैयाँमा कारोबार भइरहेको छ ।
यस्तै, चाँदीको मूल्य पनि आज १५ रुपैयाँले घटेर १ हजार ३ सय ७० रुपैयाँमा कारोबार भइरहेको महासंघले जनाएको छ ।
