📍 कोहलपुर, बाँके |
नेपाल एपीएफ स्कुल, कोहलपुर बाँकेमा SEE परीक्षा सम्पन्न गरेपछि विद्यार्थीहरूको विदाइ स्वरूप ‘See You Again’ कार्यक्रम भव्य रूपमा सम्पन्न भएको छ।

कार्यक्रमका प्रमुख अतिथि विद्यालय व्यवस्थापन समितिका अध्यक्ष तथा सशस्त्र प्रहरी बल नेपालका वरिष्ठ प्रहरी उपरीक्षक (एसएसपी) नरेन्द्र बम रहेका थिए। त्यसैगरी विद्यालयका कमाण्डेन्ट तथा सशस्त्र प्रहरी उपरीक्षक सञ्जय भट्टराई, सहायक प्राचार्य राजकुमार प्याकुरेल लगायतका अतिथिहरूको उपस्थितिमा कार्यक्रम सम्पन्न भएको हो।

कार्यक्रममा SEE दिएका विद्यार्थीहरूलाई सम्मान तथा शुभकामना प्रदान गरिएको थियो। विद्यार्थीहरूले विभिन्न सांस्कृतिक प्रस्तुति प्रस्तुत गर्दै कार्यक्रमलाई अझ आकर्षक बनाएका थिए।

विद्यालय प्रशासनले विद्यार्थीहरूको उज्ज्वल भविष्यको कामना गर्दै आगामी दिनमा पनि अनुशासन र मेहनतका साथ अगाडि बढ्न सुझाव दिएको थियो।

कार्यक्रम भावुक वातावरणमा सम्पन्न भएको थियो भने विद्यार्थीहरूबीचको मित्रता र सम्झनाहरूलाई सम्झँदै ‘See You Again’ भन्दै विदाइ गरिएको थियो।