५ माघ,
बाँके । बाँकेमा ५५ प्रतिशतले कोरोना विरुद्धको पूर्ण खोप लगाएका छन् ।
बाँकेमा १८ वर्षमाथिका खोप लगाउने लक्षित वर्ग ४ लाख ६ हजार ६५ जना र १२ देखि १८ वर्ष उमेर समूहका ७९ हजार ८ सय ३६ जना खोप लगाउने रहेका छन ।
सो मध्यबाट ५५ प्रतिशतले खोपको पूर्णमात्रा लगाएको जिल्ला कोभिड–१९ व्यवस्थापन केन्द्रका फोकलपर्सन तेज वलीले जानकारी दिनुभयो । उनका अनुसार खोपको पहिलो मात्रा ८० प्रतिशतले लगाइसकेका छन ।
बाँके जिल्लाका सबै पालिकाहरुमा अहिलेपनि खोप लगाउने अभियान चलिरहेको छ।
ओमिक्रोन भाइरसको संक्रमण फैलिँदै गएपछि र सार्वजनिक क्षेत्रमा प्रवेश गर्न र सार्वजनिक सेवा प्राप्त गर्न खोप कार्ड अनिवार्य भए संगै खोप लगाउनेको संख्यामा वृद्धि भएको फोकल पर्सन वलीको भनाइ छ ।
कोरोना विरुद्धको दुवै मात्राको खोप लगाइसकेकालाई भेरी अस्पताल र नेपालगन्ज मेडिकल कलेज कोहलपुरमा बुष्टर खोप लगाउने अभियान पनि चलिरहेको छ ।
