१७ चैत्र,
काठमाडौँ – काठमाडौँका पूर्व प्रमुख जिल्ला अधिकारी छवि रिजाल हाजिरी जमानीमा छुटेका छन्।
गत भदौ २३ र २४ गते भएको जेनजी आन्दोलनमा दमन गरेको आरोपमा उनी मंगलबार बिहान पक्राउ परेका थिए। गौरीबहादुर कार्की नेतृत्वको जाँचबुझ आयोगको सिफारिसका आधारमा रिजाललाई पक्राउ गरिएको थियो।
उनलाई मंगलबार बेलुका जिल्ला सरकारी वकिलको परामर्शमा हाजिरी जमानीमा छाडिएको काठमाडौँ प्रहरी परिसरका प्रमुख एसएसपी रमेश थापाले जानकारी दिए।
