२२ माघ,

बाँके । होटल फरेष्ट इनको आईपीओ आजदेखि खुला हुँदैछ । कम्पनीले सर्वसाधारणका लागि आईपीओ निष्कासन गर्न लागेको हो । कम्पनीले वैदेशिक रोजगारीमा रहेका नेपालीहरूका लागि निष्कासन गरी बाँडफाँट गरिसकेको छ । 

कम्पनीले ४० करोड रुपैयाँको ४० लाख कित्ता शेयर निष्कासन गर्ने अनुमति पाएको थियो । जसमध्ये ४ लाख कित्ता साधारण शेयर विदेशमा रोजगार गरी रहेका नेपालीका लागि २ लाख कित्ता शेयर सामूहिक लगानी कोषका लागि र ८० हजार कित्ता शेयर कम्पनीमा कार्यरत कर्मचारीका लागि निष्कासन गरी बाँडफाँट गरिसकेको छ।

बाँकी रहेको ३३ करोड ३० लाख रुपैयाँ बराबरको प्रतिशेयर १०० रुपैयाँ दरका ३३ लाख २० हजार कित्ता साधारण शेयर आजदेखि निष्कासन हुन लागेको हो ।

सो आईपीओमा न्यूनतम १० कित्तादेखि अधिकतम २ लाख कित्ताका लागि आवेदन दिन सकिन्छ । निष्कासन बन्द छिटोमा माघ २६ गते र ढिलोमा फागुन ८ गते हुनेछ।

लगानीकर्ताले सीआस्वा प्रणाली भएका बैंक तथा वित्तीय संस्था वा मेरो शेयर अनलाइन प्रणालीबाट आवेदन दिन सक्नेछन् । कम्पनीको सेयर निष्कासन तथा बिक्री प्रबन्धक एनआईसी एशिया क्यापिटल लिमिटेड रहेको छ ।