११ फागुन,
बाँके । साताको कारोबारको चौथो दिन बुधबार सेयर बजार घटेको छ ।
आज नेप्से सूचक १५.५० अङ्कले घट्दै २७२०.४३ कायम भएको छ ।
आज ६२ लाख ४७ हजार ७७४ कित्ता शेयर (धितोपत्र) ३ अर्ब १३ करोड १२ लाख १० हजार २८२ रुपैयाँमा कारोबार भएको छ ।
नेप्से सूचक दोहोरो अङ्कले घट्दा धेरैजसो उपसमूह पनि नकारात्मक बनेको छ । उपसमूहमा जलविद्युत (१.७) र म्युचुअल फण्ड (०.८४) मात्रै वृद्धि भएको छ ।
दिव्यश्वरी हाइड्रोपावरका लगानीकर्ताले आज अन्य कम्पनीका शेयर लगानीकर्ताले भन्दा प्रतिशतका हिसाबले धेरै कमाएका छन् । यो कम्पनीको शेयरमा आज सकारात्मक सर्किट लागेको छ ।
यस्तै युनाइेट इदी मार्दी र घलेम्दी हाइड्रोको शेयर कारोबारमा पनि सर्किट लागेको छ ।
सर्वसाधारणतर्फ आज नेपाल फाइनान्स लिमिटेडका लगानीकर्ताले सर्वाधिक गुमाएका छन् । यो कम्पनीको शेयरमूल्य ३.६२ प्रतिशतले घटेको छ ।
