२१ असार, नेपालगञ्ज । बाँके जिल्लास्थित नेपालगञ्ज उप–महानगरपालिकाको आगामी आर्थिकवर्ष २०७८÷७९ का लागि प्रस्तुत वजेट पारित गरिएको छ ।

यहि असार १० गते ९ औं नगरसभामा उपप्रमुख उमा थापा मगरले प्रस्तुत गरेकी हुन् ।

उपप्रमुख थापाको अनुसार, वजेटमा कुल १ अर्ब ५४ करोड ७७ लाख रुपियाँको प्रस्तावित वजेट २० गते आईतबार नगरसभाको निर्णयले पारित गरेको हो ।

वजेट पारित भएपछि नगरप्रमुख डा. धवलशम्शेर राणाले ४ वर्षको अवधीमा नेपालगञ्जमा विकास निर्माणले उल्लेख गति लिएको भन्दै यसमा सम्पूर्ण जनप्रतिनिधी र कर्मचारीहरुको साथ र सहयोगले मात्रै सफलता प्राप्त गरिएको बताएका छन् ।
डा. धवलशम्शेर राणाले नेपालगञ्जमा भ्रष्टाचार करिब निर्मुल पारिएको भन्दै मिलेर काम गर्ने अवस्थाले राम्रो काम गर्न सकेको प्रशङसा समेत खुशी व्यक्त गरेका हुन् ।

यथपी नगरसभाले विभिन्न प्रस्तावहरु पनि पारित गरेको छ । जस्तै, कन्या कलेज संचालनका लागि विनियमावली नगरसभाले पारित गरेको छ । भने, फुल्टेक्रास्थित नेपाली सेनाको फिए रहेको स्थानमा खेलकुद एकेडेमी निर्माणका लागि पनि नगरसभाले प्रस्ताव पारित गरेको छ ।

फुल्टेक्रास्थित नेपाली सेनाको नेतृत्वसँगको आपसी समन्वयका आधारमा नेपालगंज उप–महानगरपालिकाले सम्झौता गरेर प्रस्ताव पारित गरेको हो ।

नगरसभाले कर्मचारीहरुको बृत्ति विकास लगायतका आवश्यक निर्णयहरु पनि पारित गरसँगै नगरसभामा सुशासन समितिका संयोजक नरवहादुर विष्ट र साझेदारी विकास कार्यदलका संयोजक कार्यपालिका सदस्य कौशलकुमार धोवीले प्रस्तुत गरेको प्रतिवेदन समेत पारित गरिएको छ । नगरसभाले एडिबीको थप निर्णय भने परियोजनाका लागि आग्रह गर्ने बताएको छ ।

नगरसभामा उत्कृष्ट कार्य सम्पादन गर्ने युवा तथा खेलकुद शाखा प्रमुख उपसचिव गोर्खवहादुर थापा, योजना प्रमुख वज्रभुषण झा, जिन्सी शाखा प्रमुख विमल गुरुङ, जनस्वास्थ्य निरिक्षक विनोद विक, लेखा शाखाका दुर्गा पौडेल, सुभास थापा लगायतका कर्मचारीहरुलाई नगर प्रमुख डा. राणा र प्रमुख प्रशासकीय अधिकृत हिरालाल रेग्मीले सम्मान गरेका हुन् । सेवा निवृत्त कर्मचारीहरुलाई समेत सम्मान गरिएको प्रशासन प्रमुख राजन केसीले जानकारी दिएका छन् ।