
१९ वैशाख,
बाँके अपडेट : सुर्खेत वीरेन्द्रनगर नगरपालिकाले कोरोना संक्रमितको लागि निःशुल्क एम्बुलेन्स सेवा सञ्चालन गर्ने भएको छ।
कोरोना भाइरसको दोस्रो लहर सुरु भएसँगै एम्बुलेन्स सेवा साथसाथै ५० बेडको अक्सिजन सहितको आइसोलेसन अस्पताल संचालन गर्ने निर्णय गरेको छ।
आइतबार प्रदेश अस्पताल कालागाउँमा कार्यरत बाल रोग विशेषज्ञ तथा कोरोना फोकलपर्सन डा. नवराज केसी र डा. प्रदीप न्यौपानेसँग नगरपालिकाले एम्बुलेन्स सञ्चालनको लागि छलफल भएको नगर उप-प्रमुख मोहनमाया ढकालले बाँके अपडेटलाई जानकारी दिइन्।
ढकालका अनुसार तत्कालका लागि २५ बेडबाट सेवा सुरु भएको छ। भने कोरोना बिरामीको हेरचाहा उक्त डाक्टरहरुले गर्नेछन्। वीरेन्द्रनगरबासीले सेवा भने निःशुल्क प्रदान गर्ने नगरपालिकाले जनाएको छ।
कोरोना संक्रमण बढ्दै गएकोले सबैले सुरक्षाको विधिको पालना गरि कोरोनाबाट सुरक्षित बन्न सबै वीरेन्द्रगरबासीलाई ढकालले आग्रह समेत गरेकी छन्। यदि नागरिकलाई कुनै समस्या पर्यो भने तुरुन्त स्वास्थ्यकर्मीको सम्पर्कमा आउन आग्रह गर्दै ढकालले नागरिकको सम्पर्कमा निरन्तर रहिरहने समेत बताइएकी छन्।